Ремакс үл хөдлөх хөрөнгө зуучлалын компаниас санаачлан нийт хэрэглэгчдэдээ зориулан “РеМакс 99” шинэ төслөө өнөөдрөөс ЭХЛҮҮЛЖ БАЙНА. Ремакс Монголиа албан ёсоор үйл ажиллагаагаа 2015 оны 10 сард эхэлсэн билээ. Тэр өдрөөс хойш өдөр бүр манай агентууд өдөр бүр 150 гаруй хэрэглэгч , харилцагч, худалдан авагч нартай уулзаж байгаа бөгөөд тэдний зүгээс орон сууцны зээл, түүний бичиг баримтын бүрдүүлэлт, газар, эрх зүйн зохицуулалттай холбоотой маш их асуултыг биднээс асуудаг. Хэрэглэгч нартаа дээрхи мэдээллүүдийг системтэй, ойлгомжтойгоор, үнэн бодит мэдээллийг хүргэх зорилгоор бид энэхүү төслийг эхэлж байна.
Төслийн эхний шатанд бид орон сууц худалдан авах, түрээслэхтэй холбоотой 99 түгээмэл асуултанд мэргэжлийн байгууллагууд, банк, засгийн газрын агентлагууд, Монгол банк зэрэг энэхүү эрх зүйн харилцааг зохицуулж, удирдаж байдаг байгууллагуудаас авсан хариулттайгаар хүргэх болно.
Дараагийн шатанд газартай холбоотой 99 асуулт хариултыг мөн хүргэхээр манай 80 гаруй агентууд 8 брокер оффисынхан маань хамтдаа ажиллаж байна. Эдгээр мэдээллүүд та бүхний мэдлэгт нэгэн дусал болж өөрийн хэрэгцээ шаардлагадаа нийцүүлэн, насан туршдаа амьдран суух орон сууцаа сонгоход тань үнэтэй мэдээлэл болно гэдэгт бид итгэлтэй байна.